Miklaborg kynnir: Glæsilegt sumarhús á 1 ha eignarlóð, á besta stað í landi Vaðness Grímsnesi. Heitt og kalt vatn

Húsið er staðsett við Kjalbraut sem er lítil gata með aðeins 15 húsum. Svæðið er gróðri vaxið og skjólsælt. Alls eru fjögur svefnherbergi í húsinu sem er skipt upp í aðalhús og gestaherbergi, hvort með baðherbergisaðstöðu.

Húsið var stækkað um meira en helming og endurnýjað að mestu ca árið 2008-9

Nánari lýsing:

Komið er inn í forstofu með herbergjagang í beinu framhaldi þar sem eru tvö svefnherbergi, hvort herbergi um 7 fm að stærð. Baðherbergi er með upphengdri salernisskál og tengi fyrir þvottavél. Þar er sturtuklefi og vatnsheld Fibo klæðning á veggjum og flísar á gólfi. Alrými stofu og eldhúss er glæsilegt tæplega 60 fm rými en eldhúsinnrétting er með flísalögn á milli efri og neðri skápa og með eldhúseyju sem er færanleg. Stæði fyrir uppþvottavél í eldhúsi og háfur yfir helluborði. Stofan er hjarta hússins og rýmið einstaklega notalegt með góðri lofthæð, lýsingu og harðparket á gólfum. Útgengt er á viðarverönd. Í aftari enda hússins er gestarými með eldhúsaðstöðu, baðherbergi með sturtuklefa, góðu skápaplássi, Fibo klæðning á veggjum og flísalagt gólf. Tvö svefnherbergi eru í gestarými hússins og útgengt á viðarverönd. Yfir hluta hússins er svefnloft þar sem eru næg svefnpláss.

Stór viðarverönd er umhverfis húsið og þar er heitur pottur með skjólgirðingu. Sjálfstæð áhaldageymsla er til hliðar við húsið sem er ekki í uppgefnum fermetrum en einnig er lítil geymsla (inntak) áföst húsinu við innganginn. Umhverfið er ægifagurt með lágreistum birkigróðri og einnig hefur heimreið upp að húsi verið fagmannlega hellulögð og setur mikin svip. Næg bílastæði út við veg fyrir eigendur og gesti.

Sannkallað draumahús fjölskyldunnar á einu eftirsóttasta og kyrrlátasta sumarhúsasvæði Suðurlands. Stutt er á golfvelli Öndverðarness, Kiðjabergs, Hraunborga, Dalbúa og fleiri mætti telja upp. Aðeins um 15 mínútna akstur á Selfoss og svipað austur í Reykholt. Til stendur að fá læst hlið að götunni, bráðlega. Öflugt sumarhúsafélag tryggir viðhald götu og snjómoksturs yfir dimmustu mánuðina en húsið má auðveldlega nýta sem heilsárshús. Ársgjald í sumarhúsafélagið er 60 þúsund krónur

Nánari upplýsingar veitir

Óskar Sæmann Axelsson löggiltur fasteignasali í síma 6912312 eða osa@miklaborg.is