Fasteignasalan Hvammur 466 1600

Vættagil 24  - Vönduð og vel innréttuð 4-5 herbergja parhúsaíbúð á 2. hæðum við vinsæla götu í Giljahverfi - stærð 172,5 m²

Eignin skiptist með eftirtöldum hætti, 
Neðri hæð : Forstofa, sjónvarphol, svefnherbergi, baðherbergi, þvottahús, viðbygging og bílskúr sem búið er að skipta upp í forstofu og fataherbergi / geymsluskápa.
Efri hæð : Hol, eldhús, stofa, baðherbergi og tvö svefnherbergi. 

Forstofa er með flísum á gólfi og stórum fataskápum. Steyptur og flísalagður stigi er upp á efri hæðina. Sérsmíðaðir skápar undir stigauppgöngu og geymsla undir stigapalli. 
Eldhús og stofa eru í opnu og björtu rými þar sem gluggar eru til þriggja átta og hurð út til vesturs á rúmgóða verönd. Flísar eru á gólfi og hljóðdempandi plötur í loftum með innfelldri lýsingu. Í eldhúsi er vönduð sérsmíðuð innrétting og eyja, hvít og hnota og með Fenix borðplötu. Miele tæki. Tvær uppþvottavélar.
Sjónvarpshol er á neðri hæðinni með flísum á gólfi og innfelldri lýsingu. 
Svefnherbergin eru þrjú, öll með flísum á gólfum og tvö með fataskápum. Í öðru barnaherberginu er sérsmíðað hvítt skrifborð og fellistigi upp á geymsluloft. Stærðir herbergja eru skv. teikningum 10,4 - 10,9 og 11,3 m².
Baðherbergin eru tvö, eitt á hvorri hæð. Á efri hæðinni eru flísar á gólfi og veggjum, hvít innrétting með steinplötu og upphengt wc, baðkar, handklæðaofn og opnanlegur gluggi.  Baðherbergi á neðri hæð er með flísum á gólfi og veggjum, spónlagðri innréttingu, upphengdu wc, handklæðaofni, tvöfaldri sturtu og saunaklefa með saunaofni og infra red ljósum.
Bílskúr hefur verið skipt upp í tvö rými, forstofu og fataherbergi /geymsluskápa. Þar eru flísar á gólfum og mjög gott skápapláss. 
Þvottahús er inn af bílskúrnum með flísum á gólfi, "handklæðaofni" og sprautulakkaðri innréttingu með stæði fyrir þvottavél og þurrkara í vinnuhæð. 
Viðbygging var byggð við suðurhliðina og er innangengt í hana í gegnum baðherbergi, einnig er hægt að ganga inn í hana utan frá. Hún er skráð skv. teikningum 7,9 m² að stærð og með flísum á gólfi og góflhita. 

Fyrir framan er hellulagt bílaplan með hitalögnum í, lokað kerfi.
Garðurinn er gróinn og fallegur. Sameiginlegar hellulagðar tröppur eru upp á baklóðina þar sem er stór timbur verönd með heitum potti/rafmagns, geymsluskúr og æfingarstöð.
 
Annað
- Gólfhiti er á neðri hæðinni í öllum rýmum fyrir utan bílskúr og þvottahús og á efri hæðinni eru ofnar og rafmagnsgólfhiti.
- Netlagnir eru í öllum herbergjum.
- Rafmagnshitaþræðir er í þakrennum.
- Heitur pottur á verönd fylgir með við sölu eignar. 
- Eignin er laus til afhendingar í nóvember 2026.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.