Sunna fasteignasala og Marta Jónsdóttir, lögfr. og lögg. fasteignasali, kynna skrifstofuhúsnæði á Ásbrú í Reykjanesbæ.

**Seljandalán er í boði.**

Um er að ræða 1.815 m2 skrifstofuhúsnæði sem hefur verið vel við haldið að sögn eiganda. Meðal annars er nýlega búið að skipta um alla glugga á suðurhlið hússins og skipt var um járn á þaki fyrir um 12 árum síðan. Lóðin er 9.635 m2 og leyfilegt nýtingarhlutfall lóðar er 2.891 m2 í heild. Af því leiðir að byggja má um 1.075 m2 til viðbótar á lóðinni. Brunabótamat eignarinnar er kr. 964.500.000 og fasteignamat er kr. 212.950.000.

Alls er um að ræða 28 skrifstofur/herbergi af mismunandi stærðum að viðbættum þremur vinnusölum fyrir 6-10 vinnustöðvar hver, auk þess er garðskáli með kaffiaðstöðu. Fjögur salerni eru á hvorri hæð, og sérstakt móttökurými á jarðhæð. Húsið er laust við kaupsamning.

Húsið er alls 1.815 m2 á tveimur hæðum, neðri hæðin er um 954m2 og efri hæðin er um 862,2m2. Samtals 1.815,5m2.
Húsið er steinsteypt og því fylgir lóð sem er 9.635 m2. Stórt malbikað bílastæði er fyrir framan húsið og mjög stór garður er fyrir aftan húsið en leyfilegt nýtingarhlutfall lóðarinnar er 2.890,5 m2 samkvæmt gildandi deiliskipulagi, eða 0,3. 
Lóðarleigusamningur gildir til 50 ára frá árinu 2015 að telja, eða til ársins 2065.

Byggingarár fasteignarinnar er 1990 og hefur henni verið viðhaldið alla tíð og vel sinnt.

Góð aðkoma, stórt malbikað bílastæði og stór lóð. 

Nánari upplýsingar veitir Marta Jónsdóttir, lögfr. og lfs. í síma 8633445 og netfanginu marta@sunnafast.is. 

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Sunna fasteignasala ehf. bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
Þinglýsingargjald er tekið fyrir kaupsamninga, veðskuldabréf, veðleyfi, umboð o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.