Betri Stofan fasteignasala Borgartúni 30 kynnir nýtt í einkasölu: Einstakt „Loft“ á Granda – Mikil lofthæð, falleg og björt alrými, stórir og bjartir gluggar sem hleypa inn góðri dagsbirtu með góðu útsýni. Eignin er vel staðsett á Grandanum til þess að njóta allrar þeirrar skemmtilegu uppbyggingar sem er að eiga sér stað, fjöldi veitingastaða, og verslana í göngufæri ásamt mikilli nálægð við sjávarsíðuna með fjölda gönguleiða.

Nánari lýsing: 
Komið er inn um snyrtilegan sameiginlegan inngang á jarðhæð og þaðan upp stiga í eignina.
Þegar inn er komið blasir við stórt, opið og einstaklega bjart alrými með mikilli lofthæð sem gefur eigninni sérstakt yfirbragð, parket er á gólfi.
Eldhús er opið við alrýmið, þar er falleg hvít innrétting með eyju sem hægt er að sitja við.
Milliloft er bjart með fallegri yfirsýni yfir alrýmið. Parket á gólfi, opnanlegur þakgluggi veitir góða birtu og loftun. Auðvelt væri að útbúa þar eitt eða fleiri herbergi / rými eða nýta sem skrifstofu, vinnustofu, fundarherbergi. Milliloftið er óskráð og telur um 25 fm. Skráð stærð eignarinnar með millilofti er um 110 fm. 
Herbergi með góðum gluggum, parket á gólfi, mikilli lofthæð sem býður upp á fjölbreytta nýtingu.
Baðherbergi er flísalagt og fallegt með vegghengdu salerni, sturtu og hvítri innréttingu, tengi er fyrir þvottavél og þurrkara í vinnuhæð.
Húsið er klætt að utan með áli og því viðhaldslétt. Í húsinu er fullkomið sprinkler-brunavarnarkerfi og brunavarnir hafa verið yfirfarnar af slökkviliði.
Húsfélagið er jafnframt með samning um brunavarnafulltrúa. Ný eignaskiptayfirlýsing hefur verið gerð fyrir húsið en á eftir að þinglýsa henni.
Næg bílastæði eru við húsið.

Grandi hefur á fáum árum þróast í eitt vinsælasta hverfi Reykjavíkur. Í næsta nágrenni eru vinsæl kaffihús, veitingastaðir, sérverslanir, listasöfn, þjónusta og fallegar gönguleiðir við sjávarsíðuna. Miðbær Reykjavíkur er í örfárra mínútna fjarlægð.

Allar nánari upplýsingar veitir Atli S. Sigvarðsson fasteignasali í síma 899-1178 eða atli@betristofan.is 

Gjöld sem kaupandi þarf að standa straum af ef að kaupum verður:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 3.800 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Betri Stofan fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.