Fjölskylduathvarf í hjarta Gullna hringsins – heilsárshús í Reykjaskógi
Tinna Bryde, löggildur fasteignasali og Háborg fasteignasala, kynna Öldutún 29 í Reykjaskógi – fullbúið heilsárshús aðeins rúman klukkutíma frá Reykjavík.

Hér færðu ekki bara sumarbústað – heldur raunverulegt fjölskylduathvarf þar sem hægt er að njóta náttúrunnar allt árið um kring, með öllum nútímalegum þægindum.
Húsið stendur á steyptum sökkli, er fullbúið og tilbúið til notkunar strax. Vandaðar innréttingar, tækjabúnaður og helstu húsgögn fylgja – einfalt að mæta og byrja að njóta.

-  79,7 fm heilsárshús á einni hæð
-  Þrjú svefnherbergi – fullkomið fyrir fjölskyldu
-  Gólfhiti í öllum rýmum
-  Viðarpallur og lagnaleið fyrir heitan pott
-  Lóð mögulegt að kaupa eða leigja

Nánari upplýsingar um eignina veitir Tinna Bryde löggiltur fasteignasali í síma 660-5532 eða tinna@haborg.is 

Húsið sjálft
Húsið er íslensk hönnun, teiknað af Ívari Haukssyni og framleitt af Nordroof Ísland. Byggt samkvæmt íslenskum stöðlum og hannað með heilsársnýtingu í huga.

Alrýmið er bjart og opið með útgengi á pall.
Eldhúsið er með hvítum (RAL 9010) innréttingum og ljósri quartz borðplötu. Vönduð Electrolux tæki fylgja, þar á meðal innbyggð uppþvottavél og helluborð með innbyggðri viftu.
Svefnherbergin eru þrjú, með parketi á gólfi og fataskáp í hjónaherbergi. 
Baðherbergið er fallega útfært með walk-in sturtu, upphengdu salerni og útgengi á pall. 

Staðsetningin – lífsstíllinn
Reykjaskógur er í hjarta Gullna hringsins. Hér ert þú í kyrrðinni, en samt stutt í allt.
14 mínútur á Laugarvatn
Stutt í Reykholt og Flúðir
Veitingastaðir á borð við Friðheima og Efstidal
Fontana, Laugarás lagoon, golfvellir, gönguleiðir, veiði og útivist allt um kring
Þetta er svæði sem fólk velur sér – ekki bara fyrir helgar, heldur fyrir lífsgæði.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal. Lántökugjald lánastofnunar. Um lántökugjald vísast í gjaldskrá viðkomandi lánveitanda. Umsýsluþóknun fasteignasölu skv. gjaldskrá.