Aðalstræti 5 nh, 600 Akureyri

3ja herbergja neðri sérhæð í steyptu tvíbýli við Aðalstræti 5 á Akureyri - samtals 117,7 m²

* Eignin er laus til afhendingar við kaupsamning *

Íbúðin skiptist í forstofu, hol, stofu, tvö svefnherbergi, eldhús, baðherbergi auk sérgeymslu í kjallara og sameiginlegs þvottahúss.

Aðalinngangur er frá Aðalstrætinu á norðurhlið hússins.  Á austurhlið hússins er bakdyrainngangur þar sem gengið er niður í kjallara hússins. 
Forstofa er með flísum á gólfi.
Hol er í miðri íbúðinni og þar eru flísar á gólfum og úr holinu er farið inn í öll rými hæðarinnar.
Eldhúsið er með flísum á gólfi og hvítri sprautulakkaðri og spónlagðri innréttingu. Flísar eru á milli efri og neðri skápa. Handklæðaofn er í rýminu og stæði er fyrir uppþvottavél.
Stofan er með flísum á gólfi. 
Svefnherbergin eru tvö, bæði með flísum á gólfi og í öðru þeirra er nýlegur hvítur rúmgóður fataskápur og úr hinu útgangur út á sólpall til suðvesturs.
Baðherbergi er með flísum á gólfi, ljósri innréttingu, sturtuklefa og handklæðaofn á vegg.  Opnanlegur gluggi er á baðherberginu og tengi fyrir þvottavél.
Kjallari er með rúmgóða sérgeymslu, sameiginlegt þvottahús og rúmgott sameiginlegt geymslurými. Útgangur er úr kjallara út í garð. Stigi liggur úr kjallara upp í íbúðina, í hol.

Lóðin er gróin og í óskiptri sameign.  Núverandi eigendur hússins hafa skipt lóðinni þannig með sér að neðri hæð er með steypt bílastæði norðan við húsið og efri hæðin er með malborið bílaplan á suðu-vesturhorni lóðarinnar. Sólpallur er til suðvesturs.

Annað
- Íbúðin var öll máluð að innan 2026.
- Tenglar og rofar endurnýjaðir 2026.
- Þak var endurnýjað árið 2014.
- Sér hiti og rafmagn er fyrir íbúðina.
- Snjóbræðsla í bílaplani og stigapalli, lokað kerfi.
- Ljósleiðari er kominn inn og tengur.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.