HÓLAKOT – JARÐARLÝSING
Almennt um jörðina
Jörðin Hólakot (landnúmer L205506) í Núpsdal í Dýrafirði er 52,4 hektarar að stærð. Hún er gamalt lögbýli en hefur verið í eyði síðan árið 1944.
Jörðin var nýtt til sauðfjárbúskapar allt fram til ársins 2008 af eigendum Klukkulands, sem er næsta jörð innar í Núpsdal, ásamt öðrum nágrannabændum.
Árið 1992 var stofnuð sumarhúsalóð á bæjarhól jarðarinnar. Lóðarhafi flutti þangað gamalt timburhús sem sett var á steintóft gamla íbúðarhússins. Húsið skemmdist síðar í óveðri og eyðilagðist á árunum á eftir vegna hirðuleysis, þar til núverandi eigendur leystu það til sín og fjarlægðu ásamt tóftum gamla íbúðarhússins.
Tún jarðarinnar eru um 1,7 hektarar að stærð og hafa ekki verið slegin í um áratug.

Skógrækt
Árið 2008 gerðu eigendur Klukkulands og Hólakots skógræktarsamning við Skjólskóga á Vestfjörðum (nú Land og skógur) með það að markmiði að rækta nytjaskóg á jörðunum.
Síðar var samningnum skipt eftir landamerkjum jarðanna og komu 34,1 hektarar samningslands í hlut Hólakots.
Þegar skógrækt hófst vorið 2008 voru jarðirnar girtar sameiginlegri girðingu:
meðfram Núpsá
og við landamerki í suðri upp með rönd Klukkulandsfjalls
Árið 2026 er búfjárbeit aflögð vestan Núpsár og girðingin meðfram ánni hefur verið fjarlægð. Enn þarf þó að viðhalda girðingu sem liggur með landamerkjum Minni-Garðs hátt upp í Klukkulandsfjall.
Álag sauðfjár frá þeirri átt hefur þó minnkað verulega síðustu ár vegna fækkunar sauðfjár á svæðinu.

Allar nánari upplýsingar veitir Ásmundur Skeggjason fasteignasali, asi@hofdi.is Gsm 8953000.