Miklaborg kynnir: Til leigu glæsileg 1.550 fm skrifstofuhæð í nýlegu húsi við Kirkjusand. Hægt er að skipta hæðinni niður í minni rými og aðlaga húsnæðið að nýjum leigutaka.

Um er að ræða virkilega glæsilegt skrifstofuhúsnæði staðsett við hlið viðskiptahverfis borgarinnar í Borgartúni og stutt frá miðbæ Reykjavíkur og stjórnsýslu. Húsið, sem er hannað af Schmidt Hammer Lassen og VA arkitektum, verður einstaklega fallegt hús á áberandi stað þar sem það mun blasa við frá allri strandlengjunni við Sæbraut allt frá Hörpu og Borgartúni. Nýtt kennileiti sem hentar afskaplega vel sem höfuðstöðvarhús fyrir öflug fyrirtæki.

Einstakt útsýni yfir Sundin, að Esju, Akrafjalli, Snæfellsjökli og innsiglinguna í Reykjavíkurhöfn. Staðsetning hússins er virkilega góð við stofnbrautir og aðgengi verður að fjölda bílastæða í samnýttri bílageymslu neðanjarðar. Virkilega vandað og frábærlega staðsett skrifstofuhúsnæði á einstökum stað með mjög miklu auglýsingagildi fyrir þá sem þar kjósa að koma sér fyrir.

Glæsileg aðkoma verður að húsinu, einnig frá bílakjallara þess, með glerinngöngum, breiðum stiga og lyftum upp í anddyrið. Rafhleðslustöðvar og hjólageymslur verða allt í kringum húsið.

Nánari upplýsingar veitir Svan Gunnar Guðlaugsson löggiltur fasteignasali í síma 697 9300 eða svan@miklaborg.is