Vesturgata 35A, 101 Reykjavík

STOFN FASTEIGNASALA KYNNIR:
Í einkasölu snyrtilegt og vel staðsett parhús á eignalóð við Vesturgötu 35A í 101 Reykjavík. Um er að ræða um 99,9 fm hús, byggt árið 1898, sem skiptist í tvær einingar á tveimur hæðum, báðar með sérinngangi.
Efri hæð er samþykkt íbúð og skiptist í anddyri, stofu/borðstofu, eldhús, baðherbergi og tvö svefnherbergi. Neðri hæð/kjallari hefur verið nýtt sem sér eining, en er ósamþykkt sem íbúð og ekki með fullri lofthæð.

Samkvæmt upplýsingum seljanda liggja fyrir samþykktar teikningar frá Reykjavíkurborg vegna rishæðar/ þriðju hæðar. Samkvæmt byggingarlýsingu er gert ráð fyrir risi með kvisti, stiga sem tengir fyrstu hæð við rishæðina og svölum. Á rishæðinni er gert ráð fyrir eldhúskrók, stofu, geymslu, baðherbergi og svölum. Miðað við teikningar eru breytingarnar til þess fallnar að gera húsið einstaklega sjarmerandi, með auknum karakter, betra notagildi og skemmtilegum möguleikum til framtíðar (síðustu tvær myndirnar sýna hvernig útlitið verður með risi).
Að sögn seljanda er eigandi á 35b að fara byrja á stækkuninni hjá sér í sumar. 

Eignin Vesturgata 35A, 101 Reykjavík, ásamt öllu sem henni fylgir og fylgja ber að engu undanskildu, þ.m.t. tilheyrandi lóðarréttindi. Fastanúmer eignar: 200-1405

*Smelltu hér til að skoða myndband um eignina*

"Smelltu hér til að sækja söluyfirlit"

Nánari upplýsingar og bókun skoðunar:
Benedikt Ólafsson, löggiltur fasteignasali og félagi í Félagi fasteignasala Sími: 661 7788 
Netfang: bo@stofnfasteignasala.is

Sölupunktar eignar
• Parhús á eignalóð í 101 Reykjavík
• Tvær einingar með sérinngangi
• Samþykktar teikningar vegna rishæðar/þriðju hæðar með kvisti, stiga og svölum samkvæmt upplýsingum seljanda
• Leigutekjur samtals um 525.000 kr. á mánuði samkvæmt upplýsingum seljanda
• Endurbætur á efri hæð, framhlið, rafmagni og lögnum samkvæmt upplýsingum seljanda

Eignin skiptist í
Efri hæð: anddyri, stofu, eldhús, baðherbergi og tvö svefnherbergi.
Neðri hæð / kjallari: anddyri, aðalrými með stofu og eldhúsi, baðherbergi og eitt svefnherbergi.

Nánari lýsing
Efri hæð:
Forstofa / anddyri: Gengið er inn í forstofu með skápaplássi, glugga og þvottaaðstöðu.
Eldhús: Eldhús  með ljósri innréttingu, góðu vinnuplássi og tengingu inn að stofu/ borðrými. Samkvæmt upplýsingum seljanda hefur verið sett upp nýleg eldhúsinnrétting ásamt nýjum vaski, blöndunartækjum og uppþvottavél.
Stofa / borðstofa: Stofa og borðstofa eru í björtu og notalegu rými með glugga. Rýmið nýtist vel sem setu- og borðrými.
Hjónaherbergi: Ágætis herbergi með góðu skápaplássi.
Svefnherbergi: Inn af stofu er svefnherbergi sem getur einnig nýst sem barnaherbergi eða vinnuherbergi.
Baðherbergi: Baðherbergið er með glugga, ljósri innréttingu, sturtu og er flísalagt í hólf og gólf. Samkvæmt upplýsingum seljanda hefur baðherbergi verið endurnýjað, m.a. með sturtu, handlaug, blöndunartækjum, baðinnréttingu og flísum.

Neðri hæð / kjallari: 
Neðri hæðin hefur verið nýtt sem sér eining með sérinngangi. Gengið er niður flísalagðan stiga að inngangi hæðarinnar. Komið er inn í hol/anddyri með fatahengi og flísum á gólfi. Eldhús og stofa eru í opnu alrými þar sem er ljós eldhúsinnrétting og rými fyrir setuaðstöðu. Inn af alrými er herbergi með glugga og baðherbergi er flísalagt með baðkari/sturtuaðstöðu, innréttingu, salerni og tengi fyrir þvottavél. Neðri hæð/kjallari er ósamþykkt sem íbúð og ekki með fullri lofthæð.

Framkvæmdir / endurbætur
Samkvæmt upplýsingum seljanda var frárennsli/skólp í götunni endurnýjað á árunum 2020–2021. Eignin er nýklædd að framan, skipta um þakrennur, ryðverja og mála þakið. 

Á efri hæð hefur baðherbergi verið endurnýjað og ný eldhúsinnrétting sett upp. Samkvæmt upplýsingum seljanda voru báðar íbúðir málaðar árið 2025 og gluggar málaðir innan sem utan, að einum undanskildum. Rafmagn er að stórum hluta endurnýjað og alveg á efri hæð samkvæmt upplýsingum seljanda.

Leigutekjur
Samkvæmt upplýsingum seljanda eru báðar einingar í útleigu og eru leigutekjur samtals um 525.000 kr. á mánuði.

Staðsetning
Vesturgata 35A er vel staðsett í hjarta 101 Reykjavík þar sem stutt er í verslanir, veitingastaði, kaffihús, þjónustu, skóla, leikskóla, menningu og útivist. Um er að ræða eftirsótta miðborgarstaðsetningu með nálægð við Granda, höfnina, miðbæinn og helstu þjónustu svæðisins. Hér sameinast sjarminn í gamla vesturbænum, nálægð við mannlíf og góð tenging við allt það helsta sem miðborg Reykjavíkur hefur upp á að bjóða.

Nánari upplýsingar veitir Benedikt Ólafsson, löggiltur fasteignasali og félagi í Félagi fasteignasala hjá STOFN Fasteignasölu, í síma 661 7788 eða á bo@stofnfasteignasala.is.  STOFN leggur áherslu á faglega ráðgjöf, vandaða framsetningu og skýrt söluferli frá fyrstu kynningu til afhendingar.

Fyrirvari
Allar upplýsingar eru fengnar frá seljanda og opinberum gögnum og eru birtar með fyrirvara um villur og ónákvæmni. Kaupanda er bent á að kynna sér eignina og þau gögn sem henni tengjast, þar á meðal skráningu, samþykktir, teikningar og önnur gögn sem máli kunna að skipta.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. STOFN Fasteignasala ehf. bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.