Fasteignamarkaðurinn ehf. s: 570-4500 kynnir til sölu virkilega glæsilega, bjart og vel skipulagða 56,0 fermetra 2ja herbergja íbúð á 3. hæð (efstu) með rúmgóðum suðaustursvölum í nýlegu litlu fjölbýlishúsi með lyftu við Skipholt í Reykjavík.

Eignin er laus til afhendingar við kaupsamning.

Íbúðin er með gluggum í tvær áttir, er mjög björt, lofthæð er rúmlega 3,0 metrar og útgengi er bæði úr stofu og svefnherbergi á rúmgóðar suðaustursvalir. Auk þess eru stórar sameiginlegar þaksvalir til suðurs, austurs og vesturs við hlið íbúðarinnar.  Gólfsíðir gluggar eru í stofu og svefnherbergi og útgengi úr báðum rýmum á flíslagðar og rúmgóðar svalir.

Lýsing eignar:
Forstofa, linoleumdúklögð og rúmgóð með fatahengi.
Baðherbergi, stórt og með glugga. Mosaiklagt gólf og veggir, innrétting með tengi fyrir þvottavél og þurrkara, handklæðaofn og stór mosaiklögð sturta með sturtugleri.
Eldhús, opið við stofu, parketlagt og bjart með fallegum ljósum viðarinnréttingum með mosaikflísum á milli skápa og tengi fyrir uppþvottavél.
Stofa, rúmgóð, parketlögð og björt með gluggum í tvær áttir og útgengi á rúmgóðar suðaustur svalir, flísalagðar og með gler-skjólveggjum.
Svefnherbergi, stórt, parketlagt með gólfsíðum gluggum og útgengi á rúmgóðar suðaustur svalir, flísalagðar og með gler-skjólveggjum.
Fataherbergi / geymsla, um rennihurð innaf svefnherbergi, parketlagt og með innréttingum.

Á jarðhæð hússins er sameiginleg hjólageymsla.

Sameign er öll mjög snyrtilega og vel frágengin og aðkoma að húsinu er góð með fjölda bílastæða. 

Húsið að utan er gott, múrviðgert árið 2025 og stendur til að mála húsið að utan 2026, en til er í framkvæmdasjóði fyrir þeirri framkvæmd.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is