Helgafell fasteignasala kynnir vel skipulagða fjögurra herbergja íbúð með þremur svefnherbergjum og yfirbyggðum suðursvölum á 3. hæð við Gyðufell 14 í Reykjavík.

Eignin er skráð samtals 84,1 fm samkvæmt fasteignayfirliti HMS. Þar af er íbúðin 73,3 fm, yfirbyggðar svalir 5,0 fm og sérgeymsla á 1. hæð 5,8 fm.

Þakið var endurnýjað 2023/2024.

Skipulagi íbúðarinnar hefur verið breytt á smekklegan hátt. Eldhúsið var fært inn í stofurýmið og myndar nú opið og fjölskylduvænt alrými. Við breytinguna varð fyrra eldhúsrýmið að þriðja svefnherberginu. Baðherbergið hefur einnig verið endurnýjað og er nú með sturtuklefa og upphengdu salerni.

Nánari lýsing eignar:

Anddyri: Gengið er inn í anddyri sem tengir saman helstu rými íbúðarinnar, harðparket á gólfi.
Eldhús og stofa: Eldhúsið hefur verið fært inn í stofurýmið og saman mynda rýmin bjart og opið alrými með góðri tengingu milli eldhúss, borðstofu og setustofu. Úr stofunni er útgengi á yfirbyggðar svalir sem snúa til suðurs.
Svefnherbergi: Svefnherbergin eru þrjú með lausum skápum. Þriðja svefnherbergið var útbúið í því rými þar sem eldhúsið var áður.
Baðherbergi: Baðherbergið hefur verið uppfært og er með sturtuklefa og upphengdu salerni.  Tengi fyrir þvottavél og þurrkara á baðherbergi.
Svalir: Yfirbyggðar suðursvalir, skráðar 5,0 fm.
Geymsla: Sérgeymsla á 1. hæð, skráð 5,8 fm.
Sameign: Í sameign hússins eru sameiginlegt þvottahús með þurrkherbergi ásamt hjóla- og vagnageymslu. Opin bílastæði eru á sameiginlegri lóð húsanna.

Mögulegur bílskýlisréttur: Í þinglýstri eignaskiptayfirlýsingu kemur fram að hverju stigahúsi fylgi réttur til að reisa bílskýli fyrir sex bíla ásamt sex útigeymslum. Jafnframt kemur fram að sex þriggja herbergja íbúðir stigahússins eigi forgangsrétt til byggingar bílskýlisins, en eignin er ein þeirra samkvæmt eignaskiptayfirlýsingunni. Um er að ræða óframkvæmdan byggingarmöguleika en ekki núverandi bílskýli eða sérmerkt bílastæði. Framkvæmdin er háð nánari samþykktum, leyfum og skilyrðum þinglýstra heimilda.

Gyðufell 14 er steinsteypt fjölbýlishús, byggt árið 1973. Eignin er vel staðsett í grónu og fjölskylduvænu hverfi þar sem stutt er í skóla, leikskóla, verslun, þjónustu og góð útivistarsvæði.

Athygli er vakin á því að í þinglýstri eignaskiptayfirlýsingu er eignin skráð sem þriggja herbergja íbúð með tveimur svefnherbergjum. Íbúðin er hins vegar í dag skipulögð og nýtt sem fjögurra herbergja íbúð með þremur svefnherbergjum, eftir að eldhúsið var fært inn í stofurýmið og fyrra eldhúsrýmið nýtt sem svefnherbergi.

Nánari upplýsingar veitir:
Helgafell fasteignasala í síma 566-0000.
Rúnar Þór Árnason, lgf., runar@helgafellfasteignasala.is

----------------------------------------------------------
Heimasíða Helgafells fasteignasölu
Facebook síða Helgafells

- Hafðu samband og við gerum söluverðmat á eign þinni, þér að kostnaðarlausu -

Gjöld sem kaupandi þarf að standa straum af vegna kaupa á fasteign:
1. Stimpilgjald af kaupsamningi - 0,8% af fasteignamati fyrir einstaklinga (0,4% fyrir fyrstu kaupendur) og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - 3.800 kr. af hverju skjali.
3. Lántökugjald lánastofnunar - almennt í kringum 50þ., oft lægra eða ekkert lántökugjald fyrir fyrstu kaup. Nánari upplýsingar á heimasíðum lánastofnana.
4. Þjónustusamningur milli kaupanda og fasteignasölu - Kr.  92.380,- m/vsk.

Helgafell fasteignasala bendir kaupendum á ríka skoðunarskyldu sem kveðið er á í lögum um fasteignakaup nr.40/2002. Skorað er á kaupendur að kynna sér vandlega ástand fasteigna og nýta til þess aðstoð sérfræðinga.  Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Seljanda er bent á að kynna sér tilvitnaðar lagagreinar.