Trausti fasteignasala og Þorbjörn Geir Ólafsson, löggiltur fasteignasali, kynna Norður-Hlíð, einstaklega fallega staðsetta eign í dreifbýli Grundarfjarðar, við rætur Eyrarfjalls. Eignin stendur í rólegu og fallegu umhverfi með stórbrotna náttúru Snæfellsness allt um kring, en jafnframt í góðri nálægð við Grundarfjörð þar sem finna má alla helstu þjónustu.

Eignin samanstendur samkvæmt opinberri skráningu af 64,6 m² einbýlishúsi, byggðu árið 2016, og 42,0 m² iðnaðarhúsi/smiðju, byggðu árið 2023, eða samtals 106,6 m² skráðu húsnæði. Húsin standa á eignarlandi, um 1 hektara að stærð, sem fylgir eigninni við sölu. Möguleiki er jafnframt á kaupum á aðliggjandi hektara lands, samkvæmt nánara samkomulagi.

Íbúðarhúsið er steinsteypt, einangrað að utan og klætt viðhaldslítilli quartz-klæðningu. Húsið virðist vel byggt og hefur verið vel við haldið. Það nýtist jafnt sem heilsárshús eða sumarhús. Raunverulegt gólfflatarmál er um 70 m², þó skráð flatarmál sé 64,6 m². Húsið skiptist í forstofu, eitt svefnherbergi, eldhús, stofu, svefnloft auk geymslu/þvottahúss. Frá húsinu er gengið út á fallega og skjólgóða steypta verönd, sem myndar notalegt útisvæði við húsið.

Við húsið stendur 42 m² vel búin smiðja/iðnaðarhús, sem býður upp á fjölbreytta nýtingarmöguleika fyrir t.d. smíðar, áhugamál, geymslu eða annan rekstur. Við smiðjuna hefur jafnframt verið festur um 15 m² gámur, sem eykur geymslu- og nýtingarrými enn frekar. Gámurinn er ekki hluti af skráðum fermetrum eignarinnar.

Norður-Hlíð er áhugaverð eign fyrir þá sem sækjast eftir friðsælli staðsetningu og eigin landi, en vilja um leið hafa gott aðgengi að þjónustu í Grundarfirði. Samspil íbúðarhúss, rúmgóðrar smiðju, viðbótargeymslu og eins hektara eignarlands býður upp á fjölbreytta möguleika, hvort sem horft er til fastrar búsetu, frístundanotkunar eða aðstöðu fyrir áhugamál og vinnu.

Nánari upplýsingar veitir Þorbjörn Geir Ólafsson, löggiltur fasteignasali, í síma 895-5198 eða með tölvupósti á bjossi@trausti.is.

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Trausti fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.