Fasteignasalan TORG kynnir : Vandaðar nýjar 2-4ra herbergja íbúðir að Ásvöllum 3-9,  þar sem allt byggingarefnir uppfyllir ströngustu umhverfiskröfur.  Íbúðirnar á Ásvöllum eru Svansvottaðar samkvæmt útgáfu 3 fyrir nýbyggingar. Það þýðir að alltbyggingarefni sem sett er í bygginguna hefur verið samþykkt og uppfyllir kröfur Svansins. sem tryggir hágæða innivist, frábæra hljóðvist og fullkomið loftskiptakerfi sem tryggir hreint loft og hámarks heilbrigði.
Glæsileg 104,4fm þriggja herbergja íbúð á jarðhæð í nýju 12 íbúða fjölbýlishúsi ásamt stæði í bílgeymslu. Geymsla íbúðar er skráð : 14,2fm. Verönd út frá stofu er skráð : 9,7fm. Eignin skiptst í forstofu, stofu, borðstofu, eldhús, baðherbergi, hjónaherbergi með fataherbergi, 2 svefnherbergi, geymslu og stæði í bílageymslu. Ásvellir 3 er nýtt 4 hæða fjölbýlishús sem er einstaklega vel staðsett við Haukaheimilið og Ásvallalaug. Stutt í alla almenna þjónustu, skóla og leikskóla. Traustur byggingaaðili Byggingarfélag Gylfa og Gunnars hf. 
Sjá nánar heimasíða
 Allar nánari upplýsingar og skoðun veitir Sigríður Rut löggiltur fasteignasali í gsm : 699-4610 eða siggarut@fstorg.is og Helgi Jónsson Löggiltur fasteignasali í síma : 780-2700 / Helgi@fstorg.is 

NÁNARI LÝSING : 
Forstofa góðum fataskáp frá GKS. 
Eldhús með fallegri innréttingu frá GKS. Helluborð frá BORA og önnur heimilistæki er frá AEG. Borðplöturn eru plastlagðar í gráum lit Kæli- og frystiskápur og uppþvottavél eru innbyggð í innréttingu. Eldhús er opið við stofu og borðstofu.
 Þvottahús / Búr er innaf eldhús með innrétting frá GKS. 
Stofa og borðstofa eru rúmgóð með gluggum á tvo vegu útgengt út á 9,7fm verönd.
 Hjónaherbergi með fataherbergi innaf, skápar frá GKS. 2 Svefnherbergi með skápum frá GKS.
 Baðherbergi með walk in sturtu, innréttingu við vask, upphengt salerni, flísar á gólfi og veggjum.
 Í kjallara er stæði í lokaðri bílageymsla og góð sér geymsla.
Sameiginleg hjóla- og vagnageymsla í kjallara. Fallegur frágangur. 


Ásvellir 3-19 eru 7 byggingar og 9 stigahús með samtengdum bílakjallara neðanjarðar undir garði á
milli húsanna. Ein innkeyrsla er í bílakjallarann og þar eru samtals 101 bílastæði ásamt sameiginlegu
bílaþvottastæði. Auk bílastæða í bílakjallara eru 60 bílastæði á lóð.
Húsin eru staðsteypt, einangruð og klædd að utan með álklæðningu og sementsbundnum plötum á
jarðhæð. Gluggar eru álklæddir timburgluggar. Ásvellir skiptast í 9 stiga- og lyftuhús sem öll hafa
aðgengi að bílakjallaranum úr sameign. Á jarðhæð eru aðalinngangar fyrir hvert stigahús fyrir sig. Á
fyrstu hæð fylgja sérafnotareitir en á efri hæðum eru svalir sem fylgja öllum íbúðum. Í húsinu eru
tveggja til fimm herbergja íbúðir. Íbúðirnar skilast fullbúnar án gólfefna, en með flísum á
baðherbergjum og þvottahúsum. Með flestum íbúðum fylgir stæði í bílageymslu. Sameign og lóð
skilast fullfrágengin.

2.6 Eldhús
Eldhúsinnréttingar koma frá Trésmiðju GKS. Skápar eru úr slitsterku melaminefni í viðar útliti í bland
við einlitt melaminefni. Borðplötur eru plastlagðar í gráum lit. Allar lamir og skúffubrautir eru með
mjúklokun. Skápar eru almennt með höldum fyrir utan efri skápa sem eru með þrýstiopnun. Lýsing er
undir efri skápum, sorpflokkunarkerfi er í vaskaskáp og hnífaparabakki í skúffu.
Helluborð kemur frá BORA og er keypt frá Trésmiðju GKS, önnur heimilistæki eru frá AEG og eru keypt
hjá Ormsson. Kæli- og frystiskápur og uppþvottavél eru innbyggð.
Blöndunartæki eru frá Nobili og vaskur er frá Schock en bæði er keypt frá Trésmiðju GKS.
2.7 Fataskápar
Fataskápar koma frá Trésmiðju GKS og eru úr einlitu melaminefni. Lamir og skúffubrautir eru með
mjúklokun.
2.8 Baðherbergi
Baðinnréttingar koma frá Trésmiðju GKS. Neðri skápur er skúffuskápur, lagður með einlitu
melaminefni. Efri skápur er speglaskápur með lýsingu fyrir ofan.
Vaskur er hvítur frá Alape með easy-clean húð sem heldur óhreinindum frá og er auðvelt að þrífa,
blöndunartæki er krómlitað frá Mora.
Blöndunartæki í sturtu eru krómlituð frá Hansa, handsturtuhaus er að tegundinni SKINNY frá Almar og
sturtuhaus er krómlitaður að tegundinni OKI frá Bossini.
Klósettskál er hvít að tegundinni Selnova frá Geberit með hvítri klósettsetu með hæglokun.
2.9 Þvottahús
Innréttingar í þvottahúsum koma frá Trésmiðju GKS. Fyrir neðan þvottavél og þurrkara eru
skúffuskápar og balagrind fyrir innan. Í efri skápi er loftræstisamstæða íbúðarinnar.
2.10 Hitakerfi
Íbúðirnar eru upphitaðar með gólfhita, auk þess er handklæðaofn á baðherbergjum innan íbúða.
Sameignir eru kynntar með ofnakerfi skv. teikningum. Gólfhita er stýrt með þráðlausum hitanemum á
vegg rýmis, gæta skal að skipta þarf um rafhlöður í þráðlausum hitanemum öðru hvoru. Ofnakerfi í
sameign fylgir frágengið og verða vatnshitastýrðir lokar á því. Loftræsi-, vatns- og þrifalagnir fylgja
frágegnar skv. teikningum. Forhitari er á heitu neysluvatni.
2.11 Loftræsing
Loftræsikerfi með varmaendurvinnslu er í hverri íbúð, nauðsynlegt er að skipta um síu reglulega skv.
leiðbeiningum framleiðanda. Hefðbundið loftræsikerfi er í geymslum og bílakjallara.
3. Frágangur utanhúss

5. Svansvottaðar íbúðir
Íbúðirnar á Ásvöllum eru Svansvottaðar samkvæmt útgáfu 3 fyrir nýbyggingar. Það þýðir að allt
byggingarefni sem sett er í bygginguna hefur verið samþykkt og uppfyllir kröfur Svansins.
Meginmarkmið Svansvottunar er að draga úr umhverfisáhrifum bygginga, sporna við hnattrænni
hlýnun og vernda heilsu þeirra sem koma að verkinu á framkvæmdartíma sem og þeirra sem nota
bygginguna eftir að hún er tekin í notkun. Kröfurnar ná einnig til gæðastjórnunar á verkstað, en skýr
stýring á umhverfisþáttum og gæðastjórnun helst oft í hendur.
Nánari upplýsingar um Svansvottun má finna á heimasíðu umhverfismerkisins Svansins
https://svanurinn.is/voruflokkar/byggingar/
Gæta skal að því byggingarefni sem keypt eru inn í íbúðina uppfylli þessar kröfur Svansins eins og t.d.
gólfefni, undirlag, málning og kítti. Byggingarefni sem er umhverfisvottað og er með einhvern af
þessum stimplum á umbúðunum uppfyllir sjálfkrafa kröfur Svansins. Ef ekki er stimpill til staðar er
hægt að spyrja sölumenn hvort efnið sé leyfilegt til notkunar í Svansvottuð hús.

6. Áætlaður afhendingartími
Íbúðir á Ásvöllum 3-19 verða afhentar í áföngum á tímabilinu september 2026 – ágúst 2027
Ásvellir 3, 7 og 9 verða afhent í nóvember 2026