Ástþór Reynir, löggiltur fasteignasali, og Ragna Steinunn Arnarsdóttir, aðstoðarmaður fasteignasala hjá RE/MAX, kynna í sölu,

*** skoða skipti á minni eign ***

Móbergsskarð 9C, 221 Hafnarfirði. 195,4 fm hæð með sérinngangi, fjórum rúmgóðum svefnherbergjum, þaksvölum og bílskúr í Skarðshlíð.

Eignin býður meðal annars upp á bjart og opið alrými, baðherbergi, gestasalerni, sérþvottahús og Loxone-hússtjórnunarkerfi.

Nánari lýsing:
Gengið er inn um sérinngang á jarðhæð. Komið er inn í anddyri með góðu skápaplássi og þaðan liggur teppalagður stigi upp á efri hæð.
Á efri hæð er opið alrými þar sem eldhús, borðstofa, stofa og sjónvarpshol tengjast. Stórir gluggar hleypa mikilli birtu inn í rýmið og þaðan er útsýni yfir nærliggjandi svæði. Úr alrýminu er gengið út á rúmgóðar þaksvalir yfir bílskúrnum.
Eldhúsið er með innréttingu og AEG-eldhústækjum frá Ormsson.
Svefnherbergin eru fjögur og öll rúmgóð, þar á meðal hjónaherbergi. Veggfóður frá Sérefni er í herbergjum.
Baðherbergið er með walk-in sturtu, travertínflísum og blöndunartækjum úr burstuðu stáli frá Grohe. Gestasalerni er einnig á hæðinni.
Þvottahúsið er sér og staðsett innan íbúðarinnar.
Bílskúrinn er með hita, rafmagni og vatni. Rafdrifinn hurðaopnari er á bílskúrshurðinni.

Eikarparket er á gólfum íbúðarinnar og travertínflísar eru á völdum gólfum og veggjum. Sérsmíðaðar skápaframhliðar, veggpanill og hurðir eru í eigninni. Innfelld Flos-ljós eru frá Lumex og gardínur frá Álnabæ. Stuco-áferð og kalkmálning frá Sérefni eru á veggjum. Stiginn er teppalagður með fallegu teppi og þykku undirlagi.
Loxone-hússtjórnunarkerfi er í eigninni og býður meðal annars upp á stýringu á ofnahita og gólfhita, þjófavarnarkerfi og hreyfiskynjara. Einnig eru lyklalaust aðgengi, myndavéladyrasími og hita-, raka- og súrefnisskynjarar í öllum herbergjum.

Eignin er staðsett á góðum stað í Skarðshlíð í Hafnarfirði. Skarðshlíðarskóli og Skarðshlíðarleikskóli eru í göngufæri og stutt er í verslun og þjónustu á Völlum og íþróttasvæðið að Ásvöllum. Göngu- og hjólastígar liggja um hverfið og stutt er í fjölbreyttar gönguleiðir og útivistarsvæði við Ásfjall og í upplandi Hafnarfjarðar.

Allar nánari upplýsingar um eignina veita:
Ragna Steinunn Arnarsdóttir, aðstoðarmaður fasteignasala, í síma 858-9494 eða ragna@remax.is
Ástþór Reynir, löggiltur fasteignasali, í síma 899-6753 eða arg@remax.is

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.