Framkvæmdasýslan - Ríkiseignir kynnir til sölu eign Ríkissjóðs Íslands, að Geldingalæk, 851 Hellu skammt frá Gunnarsholti og Ketilhúshaga (tengivegur nr. 268). Um er að ræða mannvirki á 3,5 ha stofnaðri leigulóð með landnúmer 219997 og fastanúmer 224-5382. Eignin samanstendur af reisulegu aðalhúsi, upphaflega byggðu 1954, sem er 591,7 fm á þremur hæðum auk kjallara, og fjárhúsi, byggðu 1950, alls 263,8 fm. Húsið hýsti meðferðarheimili fyrir ungmenni og er skráð sem slíkt.

Jarðhæð

• Rúmgott anddyri og sameiginleg parketlögð rými
• Björt borðstofa með útgengi á sólpall til suðurs
• Tvö svefnherbergi, annað með fataskáp
• Eldhús með góðri vinnuaðstöðu og miðlægum háfi
• Stigar í sitthvorum enda hússins sem tengja allar hæðir
• Stórt herbergi innaf sameiginlegu rými með innréttingu
• Tvö minni herbergi
• Flísalagt anddyri og útgangur á vesturhlið

2. hæð

• Rúmgott sameiginlegt rými (skólastofa) með innréttingu og stiga upp í ris
• Tvö svefnherbergi með fataskápum, auk fimm annarra herbergja í vesturhluta
• Baðherbergi með sturtu í vesturhluta og snyrting með klósetti í austurhluta
• Góð geymsla

Ris

• Opin rými og tvö herbergi

Kjallari

• Stórt þvottahús
• Þrjú rúmgóð herbergi þ.á.m. eitt 35 fm
• Baðherbergi með tveimur walk-in sturtum og búningsaðstöðu

Fjárhús (Mhl. 02 – 263,8 fm)

• Byggt 1950
• Í dag eru básar fyrir um 10 hesta
• Húsið hefur fengið lítið viðhald og þarfnast endurbóta, m.a. á vatnslögnum

Endurbætur og framkvæmdir

• Skýrslur EFLU (febrúar og mars 2024) sýna að mygla fannst í húsinu, sérstaklega í kjallara. Nauðsynlegt er að ráðast í dren, yfirferð og endurnýjun rafmagns- og vatnslagna
• Baðherbergi og gólfefni að hluta endurnýjuð 2021
• Ný 7 5/8“ neysluvatnshola var boruð mars 2024, en hún hefur ekki verið tengd húsi
• Lagfæringar á þakplötum og dren við húsið eru nauðsynlegar

Aðrir þættir

• Á bæjarstæðinu er hellir sem telst til fornleifa
• Hitun hússins er með rafmagnskútum og þrýstijafnara fyrir heitt vatn

Lóðarleigusamningur

• Við sölu verður gerður 50 ára leigusamningur um lóðina samhliða kaupsamningi:
• Leiguverð fyrir atvinnurekstur: allt að 351.778 kr. á ári
• Leiguverð fyrir íbúðarhúsnæði: allt að 194.000 kr. á ári

Samantekt

• Stórt, fjölhæft hús með mikla möguleika – tilvalið fyrir ýmsa þjónustustarfsemi, eins og rekstur gistiheimilis eða íbúðarhúsnæði
• Rúmgóð og björt rými sem bjóða upp á fjölbreytta nýtingu
• Glæsilegt umhverfi í sveitasælunni á Suðurlandi
• Tækifæri fyrir rétta aðila að skapa verðmæta og einstaka eign með endurbótum

Eignin er seld í núverandi ástandi með möguleikum á umtalsverðum virðisauka eftir endurbætur

Nánari upplýsingar er hægt að nálgast hjá FSRE eða með því að senda tölvupóst á eignasala@fsre.is
Seljandi þekkir ekki eignina umfram það sem fram kemur í opinberum gögnum. Því leggur seljandi ríka áherslu á að sérstakrar árvekni sé gætt við skoðun og úttekt á eigninni og veitir FSRE allan nauðsynlegan aðgang til þess.