Domus fasteignasala kynnir Austurgötu 5 á Hofsósi – bjart og mikið endurnýjað fjögurra herbergja parhús á einni hæð með bílskúr, suðurpalli og heitum potti.

Smelltu hér til að sjá kynningarmyndband um eignina

Eignin er samtals 140,4 m², þar af er íbúðin skráð 104,4 m² og bílskúr 36 m². Húsið er steinsteypt og byggt árið 1974. Eigninni fylgir tilheyrandi hlutdeild í sameign og lóðarréttindum.

Hér er hlýlegt heimili með þremur svefnherbergjum, björtu alrými og góðu skápaplássi. Úr alrýminu er gengið út á pall sunnan við húsið, þar sem skjólveggir og heitur pottur skapa notalega aðstöðu til útiveru. Bílskúrinn býður jafnframt upp á góða vinnu- og geymsluaðstöðu.

Íbúðin skiptist í forstofu, gang, þrjú svefnherbergi, eldhús og stofu í opnu rými, baðherbergi, þvottahús og rúmgóða geymslu.

Forstofa og gangur: Flísar eru á gólfum og góðir, háir skápar á gangi, meðal annars með speglahurðum.

Eldhús: Hvít innrétting með ljósri borðplötu, góðu skápa- og skúffuplássi og innbyggðum eldunartækjum í háum skáp. Helluborð og vifta eru í innréttingu og vaskur við glugga. Eldhúsið tengist borðstofu og stofu með opnum og þægilegum hætti. Tveir ofnar eru í eldhúsinu með viftu sem er tengd beint út. 

Stofa og borðstofa: Bjart og samliggjandi rými með parketi á gólfi og stórum gluggum. Góð aðstaða er fyrir setustofu og borðstofuborð. Úr rýminu er útgengt á pallinn og tengjast þannig samverurými heimilisins garðinum á skemmtilegan hátt.

Svefnherbergi: Þrjú parketlögð og björt herbergi. Í hjónaherbergi er stór, hvítur fataskápur með spegli.

Baðherbergi: Flísar á gólfi og hluta veggja. Rúmgóð sturta með glerþili, upphengt salerni, handlaug, speglaskápur og handklæðaofn.

Þvottahús: Staðsett við forstofu. Flísar á gólfi, vaskur, hillur og aðstaða fyrir þvottavél og þurrkara.

Geymsla: Rúmgóð parketlögð geymsla innst í húsinu með hillum og aðstöðu til fatageymslu.

Upphitun: Gólfhiti er í stofu, eldhúsi, baðherbergi, þvottahúsi og gangi.

Bílskúr: Sérstæður, 36 m² bílskúr með rafdrifinni innkeyrsluhurð og gönguhurð. Þar er vinnuborð, vaskur með heitu og köldu vatni og ofn. Vatnskrani er utan á bílskúrnum og niðurfall fyrir framan hann.

Garður og aðkoma: Gróið umhverfi með grasflötum og runnagróðri. Sunnan við húsið er viðarpallur með skjólveggjum og heitum potti, ásamt plássi fyrir útihúsgögn og grill. Bílaplan er malbikað og upphituð gangstétt þar við. Niðurfall er í bílaplaninu og hitalagnir úti frá hurð og út að gangstétt. 

Samkvæmt fyrirliggjandi upplýsingum hafa meðal annars verið gerðar eftirfarandi endurbætur:

- 2008: Miðstöðvarlagnir endurnýjaðar við tengingu við hitaveitu.
- 2016: Frárennslislagnir endurnýjaðar.
- 2017: Gólfefni, eldhúsinnrétting, fataskápar, rafmagnstæki í eldhúsi og hreinlætistæki á baðherbergi endurnýjuð.
- 2023: Íbúðarhús og bílskúr máluð að utan.

Jafnframt hafa þakjárn og þakrennur íbúðarhússins verið endurnýjuð, ásamt lagnagrind. Þriggja fasa rafmagn hefur verið tekið inn og búnaður í rafmagnstöflu endurnýjaður. Skipt hefur verið um innkeyrsluhurð bílskúrs.

Hofsós er rólegur bær og öll helsta þjónusta eins og sundlaug, kjörbúð, leik- og grunnskóli er í stuttu göngufæri. 

Á Hofsósi fara saman nálægð við sjóinn, fallegt umhverfi og áhugaverð saga. Þorpið stendur við austanverðan Skagafjörð og gamli bæjarhlutinn við Hofsá hefur sérstakan sjarma. Uppgerð hús við hafnarsvæðið, Pakkhúsið og göngubrúin yfir ána skapa skemmtilega umgjörð um rölt um bæinn. Við ströndina má einnig njóta náttúrunnar og fallegs stuðlabergs í Staðarbjargarvík.

Sundlaugin á Hofsósi er einn af helstu kostum bæjarins. Hún stendur á sjávarbakkanum með glæsilegu útsýni yfir Skagafjörð og til Drangeyjar. Hönnun laugarinnar lætur vatnsflötinn nánast renna saman við sjóinn í sjónlínunni og gerir sundferðina að sérstakri upplifun, hvort sem farið er í morgunsund eða slakað á að loknum degi.

Vesturfarasetrið setur einnig svip á menningarlíf bæjarins. Þar er saga Íslendinga sem fluttust vestur um haf sögð í máli og myndum, með sýningum um ferðalög þeirra, ný heimkynni og lífið sem þar tók við. Setrið sinnir jafnframt ættfræðiþjónustu og varðveitir tengsl við afkomendur íslenskra vesturfara.

Austurgata 5 er aðlaðandi kostur fyrir þau sem leita að heimili á einni hæð, með þremur svefnherbergjum, góðum bílskúr og notalegri útiaðstöðu í fallegu sjávarþorpi.

Nánari upplýsingar og bókun skoðunar hjá Domus fasteignasölu.

Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is,  Stefán Ólafsson hrl. löggiltur fasteignasali s 891-9425 sol@domus.is og Sigurður Pétur Stefánsson s 698-6971 siggi@domus.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 71.920 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.