Valný fasteignasala og Valgeir Leifur Vilhjálmsson löggiltur fasteignasali kynna:

Ásgarður 12, 230 Reykjanesbær
Rúmgott og fallegt einbýlishús á einni hæð með fjórum svefnherbergjum, tveimur baðherbergjum og bílskúr við Ásgarð 12 í Keflavík. Eignin býður upp á góða herbergjaskipan, stofu og sjónvarpsstofu með útgengi á rúmgóða, afgirta timburverönd með heitum potti. Húsið stendur á 966 m² lóð með stórum grasflötum, trjágróðri og rúmgóðri innkeyrslu. Innangengt er í bílskúr frá þvottahúsi og gluggar í íbúðarhluta hússins voru endurnýjaðir árið 2025.

Smelltu hér til að fá söluyfirlit.
Smelltu hér til að bóka skoðun. Sýnum samdægurs!

Samkvæmt fasteignaskrá HMS er eignin skráð samtals 191,3 m², þar af er íbúðarhús 148,2 m² og bílskúr 43,1 m². Húsið er byggt árið 1973. Íbúðarhúsið er merkt 01-0101 og bílskúrinn 02-0101. Fastanúmer eignarinnar er F2086896.

Lýsing og skipulag eignar:
Anddyri er með rúmgóðum, dökkum fataskáp með skúffum og spegli.
Eldhús er með eikarinnréttingu, eyju, góðu skápaplássi og ofni í vinnuhæð. Uppþvottavél fylgir með eigninni. Í eldhúsinu er einnig aðstaða fyrir eldhúsborð.
Stofa er með parketi á gólfi og rúmar einnig borðstofu.
Sjónvarpsstofa er með parketi á gólfi og þaðan er útgengt á afgirta timburverönd.
Fjögur svefnherbergi eru í eigninni, þar af eitt inn af anddyri. Fataskápar eru í hluta herbergjanna.
Baðherbergi er með baðkari og sturtuaðstöðu, upphengdu salerni, innréttingu með vaski, speglaskápum og glugga. Flísar eru á gólfi og veggjum.
Minna baðherbergi var endurnýjað árið 2024. Þar eru gráar flísar á gólfi og veggjum, sturta með svörtum blöndunartækjum, upphengt salerni, dökk innrétting með vaski og hringlaga spegill með lýsingu.
Þvottahús er með innréttingu með góðu skápaplássi og aðstöðu fyrir þvottavél og þurrkara. Þaðan er útgengt á verönd og innangengt í bílskúr.
Gólfefni eru parket á stofu og svefnherbergjum en flísar í anddyri, eldhúsi, baðherbergjum og þvottahúsi.
Bílskúrinn er 43,1 m² að stærð og er innangengur frá þvottahúsi. Rafdrifinn hurðaopnari. Epoxý er á gólfi og hillur ásamt vinnuborði fylgja með eigninni.

Byggingarlýsing:
Húsið er steinsteypt, byggt árið 1973. Þakjárn hefur verið endurnýjað af fyrri eigendum samkvæmt upplýsingum seljanda. Gluggar í íbúðarhluta hússins voru endurnýjaðir árið 2025 og settir nýir gluggar frá BYKO í sambærilegum stíl og þeir upprunalegu. Gluggar á bílskúr sem snúa að götu og svalahurð hafa ekki verið endurnýjuð.

Lóð og aðkoma:
Húsið stendur á 966 m² leigulóð sem er tyrfð að stórum hluta, með rúmgóðum grasflötum og trjágróðri. Framan við húsið er steypt innkeyrsla og stétt með stimpluðu yfirborði. Við bakhlið hússins er rúmgóð og afgirt timburverönd með skjólveggjum og heitum potti. Göngustígur liggur meðfram lóðinni.

Framkvæmdir að sögn seljanda:
2026: Þakkantur hússins málaður að hluta.
2025: Skipt um alla glugga í íbúðarhluta hússins og settir nýir gluggar frá BYKO í sambærilegum stíl og þeir upprunalegu.
2024: Minna baðherbergi endurnýjað. Vegna leka í lögnum voru innsteyptar eirlagnir fjarlægðar og nýjar álpex-lagnir lagðar frá bílskúr að baðherbergi. Veggur var grindaður út, vatnsvörn sett á og rýmið flísalagt. Anddyri var flísalagt.
2023: Þakkantur hússins málaður.
2021: Skipt hefur verið um tengla og rofa og rafmagnsstrengir endurnýjaðir í flestum herbergjum. Hluti stofu var stúkaður af með léttum vegg og útbúið herbergi.
Ártal ekki vitað: Þakjárn var endurnýjað af fyrri eigendum.

Allar nánari upplýsingar veitir:
Valgeir Leifur / Löggiltur fasteignasali / 780-2575 / valgeir@valny.is

Ertu að leita að nýbyggingum? Skoðaðu úrvalið hjá Valný – smelltu hér.
Ertu að hugsa um að selja? Smelltu hér og fáðu frítt verðmat.
Ekki missa af draumaeigninni – fylgstu með okkur á Instagram og Facebook
Lestu reynslusögur frá ánægðum viðskiptavinum okkar.

- Fasteignasalan sem opnar dyrnar að þinni eign.

Valný fasteignasala | www.valny.is | Reykjanesvegi 40, 260 Reykjanesbær | Opið alla virka daga frá 9:00-16:00