Björt og vel skipulögð 4ra herbergja íbúð með stæði í bílageymslu í Urriðaholti
Tinna Bryde löggiltur fasteignasali og Háborg fasteignasala kynna 100,1 m² bjarta og vel skipulagða 4ra herbergja íbúð við Holtsveg 3 í Urriðaholti í Garðabæ. Um er að ræða vandaða íbúð í fjölbýlishúsi byggðu árið 2017, á góðum stað í vinsælu og fjölskylduvænu hverfi. Íbúðin býður upp á þrjú svefnherbergi, bjart og rúmgott alrými með útgengi á svalir, sér þvottaherbergi og sérmerkt bílastæði í lokaðri bílageymslu.

-  Vönduð 4ra herbergja íbúð í húsi byggðu árið 2017
-  Þrjú svefnherbergi og bjart alrými með útgengi á svalir
-  Sér þvottaherbergi, sérgeymsla og stæði í lokaðri bílageymslu

Nánari upplýsingar um eignina veitir Tinna Bryde, löggiltur fasteignasali, í síma 660-5532 eða á tinna@haborg.is.

Íbúðin er skráð 100,1 m² samkvæmt HMS, þar af er íbúðin sjálf 93,1 m² og sérgeymsla 7 m². Auk þess fylgja íbúðinni 8,7 m² opnar svalir og sérmerkt bílastæði í lokaðri bílageymslu. Húsið er steinsteypt, byggt árið 2017, og hitað með hitaveitu.

Nánari lýsing:
Komið er inn í snyrtilega forstofu með fataskáp. 
Stofa og eldhús mynda bjart og rúmgott alrými með góðri tengingu milli eldhúss, borðstofu og stofu. Úr stofu er gengið út á svalir íbúðarinnar.
Eldhúsið er með fallegri hvítri innréttingu og eyju með helluborði og hvítri háfsviftu yfir. Ofn er í vinnuhæð og bæði ísskápur og uppþvottavél eru innbyggð. 
Svefnherbergin eru þrjú, þar á meðal rúmgott hjónaherbergi með fataskápum eftir heilum vegg.
Baðherbergið er með ljósum flísum á gólfi og veggjum í sturtu, opinni sturtu með glerskilrúmi, upphengdu salerni og handklæðaofni. Hvít innrétting með speglum á efri skápum setur fallegan svip á rýmið.
Þvottaherbergi er með flísum á gólfi og innréttingu sem veitir gott geymslupláss.

Sérgeymsla og sameign: Íbúðinni fylgir 7 m² sérgeymsla á jarðhæð hússins. Í sameign er einnig rúmgóð hjólageymsla.
Bílastæði og aðkoma: Eigninni fylgir sérmerkt stæði í lokaðri bílageymslu. Húsið og sameignin eru snyrtileg og aðkoma að húsinu er falleg, með aðgengi frá tveimur hliðum.

Staðsetning og nærumhverfi: Urriðaholt er vinsælt og fjölskylduvænt hverfi í Garðabæ þar sem stutt er í skóla, leikskóla og fjölbreytta þjónustu. Hverfið einkennist af nútímalegri byggð og fallegu umhverfi, með góðum göngu- og hjólaleiðum og nálægð við náttúruna. Urriðavatn og Heiðmörk eru í nágrenninu og bjóða upp á fjölbreytta möguleika til útivistar.

Nánari upplýsingar um eignina veitir Tinna Bryde, löggiltur fasteignasali, í síma 660-5532 eða á tinna@haborg.is.

Gjöld sem kaupandi þarf að standa straum af vegna kaupanna: Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal. Lántökugjald lánastofnunar. Um lántökugjald vísast í gjaldskrá viðkomandi lánveitanda. Umsýsluþóknun fasteignasölu skv. gjaldskrá.