Almenn lýsing:
Daleign fasteignasala kynnir til sölu fasteignina að Borgarheiði 4V, 810 Hveragerði. Um er að ræða 95,9 fm parhús á einni hæð sem byggt var árið 1976. Skráð byggingarefni hússins er steypa. Gólfplata er steypt og er útveggur gafl austur staðsteyptur og klæddur með standandi bárujárni. Gafl á milli húsa er staðsteyptur. Fram- og bakhlið hússins eru byggð úr timbri og er þak hússins hallandi timburþak, klætt með bárujárni. Gluggar hússins eru úr timbri með tvöföldu gleri. Eignin skiptist í anddyri, þvottahús, gang, baðherbergi, tvö svefnherbergi, eldhús, geymslu með geymslulofti og alrými með stofu og borðstofu. Skv. upphaflegum teikningum er eldhús teiknað þar sem borðstofan er núna, en búið er að færa eldhúsið inn í herbergi sem áður var svefnherbergi. Ekkert formlegt húsfélag er starfandi í húsinu.

Lóð að utanverðu er fullfrágengin. Hellulagt er fyrir framan húsið og er bílastæði við hlið þess ásamt hleðslustöð fyrir rafbíl. Garðurinn er vel gróinn og á lóðinni er lítill áhaldaskúr sem fylgir með. Stór geymsluskúr, 14,9 fm, sem stendur á lóðinni fylgir ekki með í kaupunum. Á bakvið húsið er c.a. 40 fm lokuð timburverönd sem útgengt er á frá stofu hússins. Birt stærð lóðarinnar er 523,5 fm, af þeirri stærð er lóðin sem húsið stendur á 481 fm, en 42,5 fm tilheyra lóð með bílskúrsrétti sem fylgir eigninni í bílskúrslengju.

Húsið er miðsvæðis í Hveragerði og stendur það innarlega við botnlanga þar sem bílastæði eru sameiginleg fyrir framan húsin. Hverfið er mjög gróið og barnvænt og stutt er í leikskólann Óskaland.

Nánari lýsing:
- gengið er inn um aðalinngang að framanverðu inn í anddyri með flísum á gólfi ásamt fataskáp.
- úr anddyri er gengið inn um hurð hægra megin inn í þvottahús með máluðu gólfi. Í þvottahúsi eru innréttingar með viðarskápum, hillum, borðplötu og tengi er fyrir þvottavél og þurrkara. Fiboplötur eru á veggjum. Inntök eru í þvottahúsi.
- úr anddyri er síðan gengið inn á gang með harðparketi. Þar er innangengt inn á baðherbergi, geymslu, svefnherbergi og eldhús.
- á hægri hönd, þegar komið er inn á gang, er flísalagt baðhergbergi í hólf og gólf. Í baðherbergi er vegghengt salerni, vaskinnrétting og skápur, sturta og handklæðaofn.
- geymsla er inn um aðra hurð til hægri á gangi með flísum á gólfi, innréttingum með viðarskápum, hillum og borðplötu. Lúga með stiga er upp í þakrými hússins sem nýtist sem auka geymslupláss.
- fyrsta hurð til vinstri, þegar komið er inn á gang, hefur að geyma svefnherbergi með harðparketi. Enginn fataskápur er í herberginu.
- annar inngangur til vinstri hefur að geyma eldhús með hvítri beyki innréttingu með flísum á milli skápa og harðparketi á gólfi. Samsung spanhelluborð og ofn eru í innréttingu ásamt viftu. Gert er ráð fyrir uppþvottavél í innréttingu.
- þriðja hurð til vinstri hefur að geyma hjónaberbergi með harðparketi á gólfi ásamt góðum fataskápum.
- inn af gangi er komið inn í opið alrými með borðstofu og stofu. Borðstofa er með harðparketi á gólfi en stofa er með ullarteppi á gólfi. Útgengt er frá stofu út á lokaða timburverönd til suðurs.

Að sögn seljanda:
Seljandi hefur endurnýjað m.a. nýr ofn var settur upp í stofu, múrviðgerð og málun á útivegg við timburverönd, nýr gluggi settur upp í eldhúsi, nýtt niðurfall og flotun á gólfi í þvottahúsi, íbúðin öll máluð fyrir c.a. tveimur árum, ný læsing í svalarhurð og snerill í útihurð. Seljandi segir jafnframt að fyrri eigendur höfðu árið 2019, skipt um járn á þaki, baðherbergi var endurnýjað, lagnir frá eldhúsi og inn á bað voru endurnýjaðar og skipt var um gler á suðurhlið hússins. Árið 2022 var sett nýtt harðparket, þakkkantar til norðurs og suðurs endurnýjaðir, ásamt endurnýjun á fram og bakhlið hússins. Gengið var frá loftun frá baðherbergi og þvottahúsi út í gegnum þak. Skipt var um gler á norðurhlið hússins.

Allar nánari upplýsingar veitir:
Sigursteinn Stefánsson, löggiltur fasteignasali í síma 860-5415 eða sigursteinn@daleign.is

Gjöld sem kaupandi þarf að standa straum af vegna kaupa á fasteign og greiðist við kaupasamning:
-Stimpilgjald af kaupsamningi: 0.8% af fasteignamati eignar fyrir einstaklinga en 1.6% fyrir lögaðila, 0.4% ef um fyrstu íbúðarkaup er að ræða og eignarhluti er 50% eða stærri.
-Þinglýsingargjald: kaupsamningi, skuldabréfi, veðleyfi, afsali o.s.frv. er kr. 3.800 af hverju skjali.
-Umsýslugjald fasteignasölu skv. kauptilboði.
-Lántökugjald vegna veðlána og eru gjöld þessi mismunandi  eftir lánastofnunum, sjá nánar á vefsíðu viðeigandi stofnunar.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Því er skorað á alla væntanlega kaupendur að kynna sér vel ástand fasteignar fyrir kauptilboðsgerð og eftir atvikum leita til þar til bærra sérfræðinga um nánari skoðun.