Berglind Hólm lgfs. og RE/MAX kynna: Einstaklega falleg, mikið endurnýjuð og vel skipulögð íbúð á frábærum stað miðsvæðis í Reykjavík. Íbúðin er 2ja herbergja á 2.hæð í húsið sem hefur fengið gott viðhald og mikið verið endurnýjað síðustu árin. Íbúðin sjálf var nánast öll endurnýjuð að innan fyrir um 4-5 árum síðan og sérlega fallegan hátt. Gengið er upp eina og hálfa hæð að íbúðinni sem er horn íbúð og því með glugga í tvær áttir. Allir gluggar í íbúðinni hafa verið endurnýjaðir og eru úr plasti og með hljóðeinangrandi gleri. Stigagangurinn er einkar snyrtilegur og bæði er lítil geymsla á gangi fyrir framan íbúðina og einnig er sér geymsla í sameigninni. Sameiginlegt þvottaherbergi er í sameign. 
Öll helsta þjónusta er í stuttu göngufæri svo sem verslunarmiðstöðin Kringlan, verslunarkjarninn Suðurver og margt margt fleira. Stutt er í Menntaskólann við Hamrahlið, Verslunarskóla Íslands, Háskólann í Reykjavík og Háskóla Íslands. Útivistarsvæðið Klambratún er í 4 mínútna göngufæri frá eigninni. 
Húsið fær reglubundið og gott viðhald, Þak og allir gluggar voru endurnýjaðir 2019. Rafmagn í sameign var endurnýjað 2021. Stigagangur er einnig nýlega tekin í gegn. 

Allar helstu upplýsingar veitir Berglind Hólm lögg.fasteignasali í síma 694-4000 eða berglind@remax.is

Nánari lýsing eignar: 
Komið er inn í anddyri á jarðhæð hússins. Nýlegt dyrasímakerfi er í anddyrinu. Gengið er upp eina og hálfa hæð upp um snyrtilegan teppalagðan stigagang. Nýjar eldvarnahurðar eru inn í allar íbúðir stigahússins. 
Forstofa: Komið er inn í forstofu með harðparketi á gólfi. Rétt innan við forstofuna er tvöfaldur forstofuskápur. 
Eldhús: Eldhúsið er allt endurnýjað með fallegri innréttingu í vinkil og miklu skápa og vinnuplássi. Í innréttingu er innbyggður ísskápur og innbyggð uppþvottavél. Neðri skápar eru í vinkil ásamt því eru efri skápar á einn vegg og gluggi á einn vegg við vaskinn. Skápar eru hvítir og borðplata er í fallegu hnotu útliti. Rými er fyrir borðkrók í eldhúsinu. Fallegt harðparketi er á gólfi 
Stofa: Stofan er með fallegu harðpaketi á gólfi og rúmast vel. Sirka meters hár skápur skilur á milli stofunnar og forstofu holsins þar sem forstofuskápurinn er. 
Baðherbergi: Baðherbergið var allt endurnýjað á síðustu árum með einstaklega fallegum og skemmtilegum munstruðum flísum á gólf sem ganga upp á framhlið baðkarsins og hvítum flísum á veggjum. Baðkarið er með sturtuaðstöðu og glerskilrúmi. Hvít innrétting er undir vaski og speglaskápur er á vegg fyrir ofan vaskinn. Salernið er upphengt og vatnskassinn er innbyggður og flísalagður. Handklæðaofn er á vegg. 
Svefnherbergi: Hjónaherbergið er rúmgott með fallegu harðparketi á gólfi og góðum fataskápum. Útgengt er á svalir frá svefnherberginu. 
2 x geymsla: Tvær geymslur fylgja íbúðinni. Önnur geymslan er á stigapalli beint fyrir framan íbúðina og nýtist frábærlega til dæmis sem kústaskápur + geymsla. Einnig fylgir íbúðinni sérgeymsla í sameign sem er 4,2 m2. 
Þvottahús: Í sameign er sameiginlegt þvottahús þar sem hver íbúð hefur rými fyrir sína vél. 
Hjóla- og vagnageymsla er í sameign. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is