Fallegt einbýli með tvöföldum bílskúr í grónu hverfi - útleigumöguleikar.

*Seljendur skoða skipti á minni eign á Akureyri eða Reykjavík*

Helgamagrastræti 34 - 4ra herbergja mikið uppgert einbýli ásamt rúmgóðum tvöföldum bílskúr á frábærum stað á Brekkunni - samtals 202,3 m².
Íbúðarhúsið er hlaðið úr r-steini og steinað, byggt árið 1942.  Efri hæðin er 109,5 m² og kjallarinn 43,8 m², samtals 153,3 m²  Bílskúrinn er timburhús með stálburð í þaki, byggður árið 1996 og skráður 49,0 m² að stærð.

Húsið skiptist þannig að á aðalhæð er forstofa, hol, eldhús, stofa, tvö svefnherbergi og fataherbergi, baðherbergi og þvottahús.  Í kjallara er eitt herbergi, geymsla/tæknirými og baðherbergi.

Forstofa er með flísum á gólfi og þar eru góðir fataskápar.  Annar inngangur er norðurhlið hússins og þar er komið inn á stigapall á milli hæða.
Holið er með flísum á gólfi og þakglugga sem hleypir birtu inn í rýmið og setur á það skemmtilegan svip.
Eldhúsið er með nýlegri dökkri innréttingu með ljósri silestone bekkplötu.  Útgangur er í garð til suðurs út úr stofu.
Stofan er með flísum á gólfi og á milli eldhúss og stofu er rennihurð.
Herbergin í húsinu eru þrjú.  Hjónaherbergi er með flísum á gólfi og innaf því er rúmgott fataherbergi með góðu skápaplássi.  Hitt herbergið hæðinni er einnig með flísum á gólfi og lausum fataskáp sem fylgir með við sölu.  Þriðja herbergið er í kjallaranum, rúmgott herbergi með máluðu gólfi og gluggum á tveimur hliðum.
Baðherbergin eru tvö og bæði er nýlega endurnýjað. Baðherbergi efri hæðar er flísalagt í hólf og gólf, með walk-in sturta með gleri, dökkri innrétting með silestone bekkplötu og speglaskáp yfir, upphengt klósett, handklæðaofn og opnanlegur gluggi.  Baðherbergi neðri hæðar er nýtt en framkvæmdum lauk 2026.  Þar eru flísar á gólfi og í kringum sturtu, walk-in sturta með gleri, spónlagður skápur undir vaska, salerni og opnanlegur gluggi. 
Þvottahúsið er mjög rúmgott en það var áður eldhús.  Innréttingin er gamla eldhúsinnréttingin og þar er einnig bakaraofn og helluborð sem nýtist sérstaklega vel á stórhátíðum. 
Í kjallara er allt nýlega uppgert og hannað þannig að auðvelt að leigja hann út sem séreiningu. Geymsla eða tæknirými sem er á milli herbergis og baðherbergis getur nýst sem eldhúskrókur. 
Geymslupláss er ágætt í húsin en auk geymslu í kjallara er gott geymslupláss í þvotthúsi.  Geymsluloft er yfir húsinu að hluta og uppá það er farið um lúgu í þvottahúsi.  Í garði er svo geymsluskúr.

Bílskúrinn er tvöfaldur og stendur stakstæður austan við íbúðarhúsið.  Á honum eru tvær innkeyrsluhurðir og ein gönguhurð.  Skúrinn er upphitaður í honum er rafmagn og rafhleðslustöð.

Lóðin er snyrtileg.  Framan við húsið er grasflöt og sunnan við húsið er sólpallur þar er heitur pottur og geymsluskúr.  Perlumöl er í lóðinni austan við húsið á milli bílskúrs og húss.  Nýlega steyptur lóðarveggur á lóðarmörkum við suður-austurhorn lóðarinnar.

Töluverðar endurbætur hafa verið gerðar á húsinu á síðustu árum:
- Öll efri hæðin (að þvottahúsi undanskildu) hefur verið tekin í gegn.  Gólfhiti var settur í allt og nýjar flísar, eldhús og bað var endurnýjað, nýr loftapanell settur og innfelld lýsing.  Raflagnir hafa verið endurnýjaðar sem og rofar tenglar.
- Útgönguhurð úr eldhúsi út í garð var endurnýjuð, drenað var með austurhlið hússins og nýr gluggi með björgunaropi settur á austurhlið í kjallara.
- Herbergi var útbúið í kjallara, gólf grafið niður og ný gólfplata steypt með gólfhita í.
- Nýtt baðherbergi útbúið í kjallara 2026
- Hitaveitugrind endurnýjuð, ný gólfhitakista og ljósleiðari.
- Eignin getur verið laus til afhendingar við undirritun kaupsamnings.

Húsið er skemmtilega staðsett og úr því er gott útsýni.  Aðkoma að húsinu er bæði frá Helgamagrastrætinu en einnig frá hliðargötu sem er á milli húsa númer 36 og 34, og þaðan er aðkoman að bílskúr og bílastæðum.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.