Fasteignasalan Garður 

HLÍÐARNAR: 4RA HERBERGJA ÍBÚÐ Í VEL VIÐHÖLDNU HÚSI - Möguleiki að færa eldhús og bæta við þriðja-fjórða herberginu. 
Baldur fasteignasali, beinn sími 450-0000, kynnir: Í einkasölu fallega og rúmgóða 4ra herbergja íbúð á 1. hæð í vel viðhöldnu fjölbýlishúsi við Eskihlíð 22 í Hlíðunum, 105 Reykjavík.

Íbúðin skiptist í rúmgott miðrými, eldhús, tvö svefnherbergi, samliggjandi stofur (það er hægt að nota aðra stofuna sem þriðja svefnherbergið) og borðstofu með rennihurð á milli og baðherbergi. Úr stofu er útgengt á vestursvalir. Húsið hefur fengið gott viðhald í gegnum árin, meðal annars allsherjar viðhald utanhúss árið 2020, hússjóður stendur vel. Stutt er í Öskjuhlíð, Nauthólsvík, Háskólann í Reykjavík, Klambratún og miðbæ Reykjavíkur.

Stærð eignarinnar er 95,70 fermetrar samkvæmt skráningu HMS. Íbúðinni fylgir jafnframt um 4,6 fermetra sérgeymsla í kjallara samkvæmt eignaskiptayfirlýsingu, sem er ekki innifalin í skráðri stærð. Rétt stærð er því uþb. 100,3 fermetrar.

Aðal sölupunktar:

• Vel skipulögð 4ra herbergja íbúð á 1. hæð
• Samliggjandi stofa og borðstofa með rennihurð, borðstofan nýtist vel sem þriðja svefnherbergið
• Möguleiki á að færa eldhús inn í stofu og bæta við svefnherbergi, lagnir eru til staðar og fordæmi eru fyrir því í stigaganginum
• Ssvalir út frá stofu
• Hjónaherbergi uppgert 2024 til 2025
• Rofar og tenglar endurnýjaðir 2023
• Viðhald utanhúss 2020
• Stigagangur tekinn í gegn 2022 og eldvarnir í sameign bættar 2025
• Hússjóður stendur vel
• Sérgeymsla, sameiginlegt þvottahús og hjóla-, vagna- og dekkjageymsla
• Eftirsótt staðsetning í Hlíðunum

Íbúðin skiptist í miðrými/hol, eldhús, stofu, borðstofu, tvö svefnherbergi og baðherbergi. Þá fylgir íbúðinni jafnframt sérgeymsla í kjallara og hlutdeild í sameiginlegu þvottahúsi, hjóla- og vagnageymslu og dekkjageymslu.

Nánari lýsing:
Miðrými / hol: Rúmgott miðrými sem tengir öll rými íbúðarinnar. Fataskápur, flísar við inngang og parket á gólfi.
Eldhús: Hvít innrétting, flísar á milli efri og neðri skápa og tengi fyrir uppþvottavél. Parket á gólfi.
Stofa: Björt og rúmgóð stofa með parketi á gólfi og útgengi á vestursvalir.
Borðstofa: Samliggjandi stofu með rennihurð á milli. Rúmgott rými sem nýtist sem borðstofa eða þriðja svefnherbergið.
Hjónaherbergi: Rúmgott herbergi, uppgert 2024 til 2025, með góðum fataskápum og nýju parketi á gólfi.
Svefnherbergi: Herbergi í góðri stærð með fataskáp og parketi á gólfi.
Baðherbergi: Flísar á gólfi og veggjum. Baðkar með sturtugleri, innrétting við handlaug, upphengt salerni og opnanlegur gluggi.
Geymsla: Sérgeymsla í kjallara, um 4,6 fermetrar samkvæmt eignaskiptayfirlýsingu.
Sameign: Sameiginlegt þvottahús og góðar geymslur í sameign: hjóla- & vagnageymsla ásamt hitakompu sem notuð er sem dekkjageymsla.

Viðhald hússins:

• 2000: Húsið endursteinað, gler og gluggapóstar endurnýjaðir.
• 2001: Skipt um þakjárn.
• 2011: Þak yfirfarið og málað. Nýtt dyrasímakerfi.
• 2014: Frárennslislagnir fóðraðar/endurnýjaðar.
• 2017: Þak yfirfarið og málað.
• 2018: Sameign og kjallari yfirfarin og máluð.
• 2020: Viðhald utanhúss. Húsið háþrýstiþvegið, endursteinað, múr- og sprunguviðgert og sílanborið. Sléttir fletir, tréverk og hurðir málaðir, gert við kanta, vatnsbretti, svalir og svalahandrið, þakkantur endurbættur og skipt um þá glugga og botnlista sem þurfti.
• 2022: Stigagangur tekinn í gegn, skipt um teppi og málað.
• 2025: Eldvarnir í sameign yfirfarnar og bættar.

Endurbætur á íbúð:

• 2019: Nýr gluggi í borðstofu og geymslu, aðrir gluggar yfirfarnir.
• 2023: Skipt um rofa og tengla.
• 2024 til 2025: Hjónaherbergi uppgert.

Hússjóður: Hússjóður stendur vel. Rætt hefur verið um að malbika bílaplan á næstu árum.

Húsið: Eskihlíð 22 er steinsteypt fjögurra hæða fjölbýlishús byggt 1957.

Staðsetning: Hlíðarnar eru eitt eftirsóttasta hverfi borgarinnar og þaðan er stutt í allar áttir. Í næsta nágrenni eru Öskjuhlíð og Nauthólsvík með ylströndinni, Háskólinn í Reykjavík og Klambratún, og stutt er í Kringluna, skóla, leikskóla, alla helstu þjónustu og miðbæ Reykjavíkur.

Falleg og vel skipulögð íbúð í vel viðhöldnu húsi á frábærum stað í Hlíðunum.

Nánari upplýsingar veitir:
Baldur Jezorski, löggiltur fasteignasali
baldur@fastgardur.is / Beinn sími 450-0000

Skoða meðmæli - Verðmat fasteigna - Greiðslumat.is - Að selja hjá Baldri

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.Fasteignasalan Garður bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að greiða vegna kaupa:
1. Stimpilgjald af kaupsamningi er 0,8% af heildarfasteignamati hjá einstaklingum. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi - 1,6% af heildarfasteignamati hjá lögaðilum.
3. Þinglýsingargjald af kaupsamningi, afsali, veðskuldabréfi, mögulegu veðleyfi o.fl. - kr. 2.700 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu skv. kauptilboði.

www.fastgardur.is |  Bæjarhraun 12 | 220 Hafnafjörður | Fasteignasalan Garður