Hraunhamar fasteignasala kynnir: Glæsilegt einbýlishús á þessum róglega stað, þar sem stutt er í alla helstu þjónustu. Eignin er skráð 231,5 fm samkvæmt fasteignaskrá,(þjóðskrá) þar af er íbúðarhúsnæði 197,0 fm og bílskúr 34,5 fm. Mikil lofthæð,vandaðar innréttingar, lýsing, gólfefni og tæki. Hiti í öllum gólfum. Afgirtur garður (steyptir stoðveggir) með hellulögðum gangstígum og stór verönd í suður. Hvergi til sparað í þessu flotta húsi. Eign í sérflokki. 


Nánari lýsing eignarinnar:
Forstofa er glæsileg og rúmgóð með miklu skápaplássi. Frá forstofu er innangengt í þvottaherbergi með góðri innréttingu og þaðan áfram inn í rúmgóðan bílskúr eignarinnar.
Við tekur einstaklega bjart og opið alrými með gólfsíðum gluggum, sem veita fallegt ljósflæði inn í rýmið. Í alrýminu tengjast eldhús, borðstofa og stofa á einstaklega fallegan og náttúrulegan hátt. Þetta rými er gríðarlega flott og er sannkallaður rjómi ofan á toppinn í þessu húsi. 
Í eldhúsinu eru sérsmíðaðar spónlagðar innréttingar, sem voru endurnýjaðar árið 2014. Borðplötur eru úr steinsteypu og og vinnupláss er bjart og rúmgott. Frá eldhúsi er útgengt á glæsilegan sólpall eignarinnar.
Svefnherbergin eru þrjú talsins, þar af tvö góð barnaherbergi sem eru 13,6 fm og 11,4 fm að stærð. Hjónaherbergið er rúmgott með stóru og vel skipulögðu fataherbergi, með sérsmíðuðum spónlögðum innréttingum. Möguleiki er á að útbúa fjórða svefnherbergið með því að nýta hluta fataherbergisins.
Baðherbergið er einstaklega fallegt og vel hannað, með stórri „walk-in“ sturtu með tveimur sturtuhausum, baðkari og fallegri sérsmíðaðri spónlagðri innréttingu. Á veggjum eru flísar, terrazzo á gólfum og innfelld blöndunartæki, sem gefa rýminu fágað yfirbragð. Gengið er inn á baðherbergið frá gangi, en jafnframt er innangengt frá fataherbergi.
Þvottaherbergið er með hvítlakkaðri innréttingu, góðu skápaplássi og vinnuaðstöðu.
Bílskúrinn er rúmgóður og býður upp á mikla möguleika í geymslulausnum. Hann er snyrtilegur með epoxy á gólfum.

Garður er afar vel standsettur og snýr vel gagnvart sólu. Við húsið er stór og glæsilegur sólpallur, sem býður upp á góða útiaðstöðu. Lóðin er snyrtilega frágengin með steyptum veggjum, sem veitir aukið skjól. Rúmgott steypt bílastæði með hita.

Þetta er glæsileg og vönduð húseign á einni hæð sem vert er að skoða frekar !
Ath: Skipti möguleg á minni eign koma til greina. 

Nánari uppl. gefur Helgi Jón Harðarson sölustj. s. 893-2233 helgi@hraunhamar.is og
Glódís Helgadóttir lgf. s. 659-0510 glodis@hraunhamar.is

Skoðunarskylda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Hraunhamar fasteignasala vill benda væntanlegum kaupendum á að kynna sér vel ástand fasteigna fyrir kauptilboðsgerð og ef þurfa þykir að leita til sérfræðinga fyrir nánari ástandsskoðun.
Gjöld sem kaupandi þarf að standa straum af vegna kaupanna:
1.    Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2.    Þinglýsingargjald af kaupsamningi, veðskuldabréfi, mögulegu veðleyfi o.fl. – 3.800 kr. af hverju skjali.
3.    Lántökugjald lánastofnunar er skv. verðskrá viðkomandi lánastofnunar.
4.    Umsýslugjald til fasteignasölu skv. þjónustusamningi
 
Hraunhamar er elsta fasteignasala Hafnarfjarðar, stofnuð 1983.
Hraunhamar, í fararbroddi í rúm 40 ár. – Hraunhamar.is
Smelltu hér til að fá frítt söluverðmat.